دورران دره سینن گون باتان چاغی

یازین اورتاسیندا یوخاری باغی

هاچالی دره دن او باش بولاغی

سووشماق ایسته مم داها من سن سیز

اود یاندیران زامان چرشنبه چاغی

اوشاقلار ساللیان شاللی قورشاقی

گوزل کندیمیزله بایرام آخشامی

گوروشمگ ایسته مم داها من سن سیز

دونیادا ان بویوک آرزولاریما

بوتون سویندیرن دویغولاریما

گوزو یولدا قالان قوهوملاریما

قووشماق ایسته مم داها من سن سیز

اوباشدان چاغیدی اوروشلوق آیی

سماوار قایناییر اوستونده چایی

نه فدر چکه جم تانری بو داغی

یاشاماق ایسته مم داها من سن سیز